දෙවැනි ලෝක යුද්ධයේදී සිදු වූ ව්‍යසනයේ ප‍්‍රතිඵලයක් ලෙසට 1945 වසරේ දී එක්සත් ජාතීන්ගේ සංවිධානය (ජගත් සංවිධානය) බිහි වූ අතර, එහි අරමුණ වන්නේ ඉදිරි පරම්පරාවන් යුද්ධයේ පීඩාවන්ගෙන් බේරා ගැනීමයි.

එම වසරේ දී එ.ජා. සංවිධානය බිහි වූයේ, ජාත්‍යන්තර සහයෝගය හා සාමූහික ආරක්‍ෂාව තුලින් සාමය සුරැකීමට කැප වූ රටවල් 54 ක මූලිකත්වයෙනි. ජිනීවා, නයිරෝබි, නිව්යෝර්ක් සහ වියානා යන නගරයන් මූලස්ථාන කොටගත් අප සංවිධානය ක‍්‍රියාත්මක වනුයේ මහා මණ්ඩලය, ආරක්‍ෂක මණ්ඩලය, ආර්ථික හා සමාජයීය මණ්ඩලය, භාරකාරත්ව මණ්ඩලය සහ මහ ලේකම් කාර්යාලය යන ආයතනික ව්‍යුහයන් මාර්ගයෙනි. එ.ජා. සංවිධානයේ ජාත්‍යන්තර අධිකරණය නෙදර්ලන්තයේ හේග් හි පිහිටා තිබේ. එහි මෙහෙය වනුයේ ලෝක සාමය හා ආරක්‍ෂාව පවත්වා ගැනීම හා රටවල් අතර මිත‍්‍ර සබඳතා වැඩිදියුණු කිරීමයි.

මානව හිමිකම් තහවුරු කිරීම අරමුණු කොටගත් එ.ජා. ප‍්‍රඥප්තිය යෝජනා කරනුයේ 192 ක් වන සංවිධානයේ සාමාජික රටවල් සහයෝගයෙන් කටයුතු කොට සමාජයීය, ආර්ථික, මානුෂීය හා සංස්කෘතික අංශයන්හි පවතින ලෝක අභියෝග ජයගත යුතු බවයි.