ගත වූ වසර 50 කට අධික කාලය තුල දී විශේෂිත එ.ජා. ආයතන මඟින් ශී්ර ලංකාවට තාක්ෂණික දැනුම හා මුදල් ආධාර සැලසීම මෙන්ම ස්වාභාවික හා අනෙකුත් උපද්රවයන්හිදී නොයෙකුත් ආකාරයෙන් ආධාර ලැබී තිබේ. මේ වන විට, ශී්ර ලංකාව දකුණු ආසියානු කලාපයේ රටවල් අතුරින්, සංවර්ධන දර්ශක බහුතරයක මුල් ස්ථානයේ සිටී. එ.ජා. සංවිධානයේ නේවාසික ආයතන 16 ක් ශී්ර ලංකා ආණ්ඩුව සමඟ කටයුතු කරමින්, ආහාර සුරක්ෂිතතාව, කෘෂිකර්මය, සෞඛ්යය හා පරිසරය වැනි ජනතාවගේ එදිනෙදා ජීවිතයට බලපාන කරුණු සම්බන්ධයෙන් කටයුතු කරයි.
මෑත කාලයේදී එ.ජා. ආයතනයන් ශී්ර ලංකා ආණ්ඩුව සමඟ එක්ව සාමය ගොඩනැඟීමටත්, ජනවාර්ගික අර්බුදයේ අහිතකර බලපෑම් ඉවත් කිරීමටත් කටයුතු කොට තිබේ. දැනටත් සිදුවෙමින් පවතින මෙම කි්රයාවලිය තුලින්, ජ්යෙෂ්ඨ එ.ජා. නිලධාරීන්, විශේෂ නියෝජිතයින් හා අනෙකුත් යාන්ත්රණයන් මඟින්, ප්රජාතන්ත්රීය හරයන්, මූලික නිදහස, නීතියේ ආධිපත්යයය හා මානව හිමිකම් සම්බන්ධයෙන් ආණ්ඩුව සමඟ විවෘත සංවාදයකට එළැඹීමට ආධාර ලබා දී තිබේ. |
